उस्मानाबाद,दि.30:- नांदेड येथे
घेण्यात आलेल्या विभागीय महसूल सांस्कृतिक व क्रीडा स्पर्धेत उस्मानाबाद महसूल
विभागाने विविध स्पर्धेत घवघवीत यश संपादन करीत नेत्रदीपक कामगिरी केली.
नांदेड
येथे दि. 22 ते 24 डिसेंबर 2016 दरम्यान घेण्यात आलेल्या विभागीय महसूल क्रीडा व सांस्कृतिक
स्पर्धेत उस्मानाबाद तहसिल कार्यालयाचे नायब तहसिलदार राजेश जाधव यांच्या संघाने “वारु नृत्य” व “जाऊ द्यां ना बाळासाहेब” या मराठी चिञपटातील समूह नृत्य
सादर करून स्पर्धेत यश संपादन केले. संघामध्ये
वाशी तहसिल कार्यालयाच्या तलाठी सुप्रिया ठाकूर,
उस्मानाबाद तहसिल कार्यालयाचे निशिकांत भोज, सचिन मोरे, प्रविण शेंदारकर,
बालाजी लाकाळ, राजेश भवाळ, सुजित टिके, कळंब तहसिल कार्यालयाचे राहूल वाघमारे, नितेश काळे, महेश क्षिरसागर यांचा
समावेश होता, वारु या नृत्यास प्रथम पारितोषिक
मिळाले.
परंडा
तहसिल कार्यालयाचे शोभा गायकवाड यांनी “कॅशलेस” अभिनय सादर केला, या अभिनयास प्रथम पारितोषिक मिळाले.
गोंधळी नृत्य ,तलाठी मुकुंद शिदे यांनी गायन केले. तहसिलदार
अभय मस्के यांनी काव्य वाचन केले, लावणी नृत्य सादर केले, लोहारा तहसिल कार्यालयाचे विशाल
पवार यांनी मिमिक्री सादर केली. उस्मानाबाद जिल्हयाने सादर केलेल्या
सांस्कृतिक कार्यक्रमास विभागातील सर्व जिल्ह्याने मोठ्या प्रमाणात दाद दिली. सांस्कृतिक
कार्यक्रमाचे सूञसंचलन जिल्हा आपत्ती व्यवस्थापन
अधिकारी श्रीमती वृषाली तेलोरे
यांनी केले.
खेळामध्ये तहसिलदार अभय मस्के, उमरगा तहसिल कार्यालयाचे नायब तहसिलदार
केलूकर यांनी बॅडमिंटन स्पर्धेत दुसरा क्रमांक
मिळविला. 200 मीटर धावण्याच्या स्पर्धेत श्रीमती कदम यांनी पहिला क्रमांक मिळविला.
श्रीमती उंबरे यांनी बॅडमिंटन महिला गटामध्ये
प्रथम क्रमांक पटकावला. श्रीमती एतवाडे
व श्रीमती कुंभार यांनीही बुध्दिबळ व बॅडमिंटन या महिला गटाच्या स्पर्धेत तिसरा क्रमांक
मिळविला.
उस्मानाबाद जिल्हयाने सादर केलेल्या
सांस्कृतिक कार्यक्रमाचे तसेच पारितोषिक प्राप्त
सर्व खेळाडूचे जिल्हाधिकारी डॉ. प्रशांत नारनवरे,अपर जिल्हाधिकारी अविनाश पाठक, निवासी उपजिल्हाधिकारी सुनिल यादव,
उपजिल्हाधिकारी अरविंद लाटकर, उपविभागीय अधिकारी चेतन गिराशे, तहसिलदार सुजित नरहरे
आदींनी अभिनंदन केले.
*****