वृत्त क्र:- 51 दि.26 जानेवारी 2020
“उस्मानाबाद जिल्हा रायफल
असोसिएशन” चा “लोकराज्यसंस्था” म्हणून
पालकमंत्री श्री.गडाख यांच्या हस्ते प्रशस्तिपत्र देवून
सत्कार
उस्मानाबाद,दि.26(जि.मा.का):- उस्मानाबादमधील विद्यार्थ्यांना
इंग्रजी भाषेची आणि शासनाच्या योजनांची
उत्तम ओळख व्हावी, म्हणून शासनाचे इंग्रजी भाषेतील मुखपत्र “महाराष्ट्र अहेड” या अंकाचे सभासदत्व
स्वीकारणाऱ्या “उस्मानाबाद जिल्हा रायफल असोसिएशन” या संस्थेचा आज संपन्न झालेल्या प्रजासत्ताक दिन समारोह प्रसंगी
पालकमंत्री श्री.गडाख यांच्या हस्ते “लोकराज्यसंस्था” म्हणून प्रशस्तिपत्र देवून सत्कार करण्यात आला. संस्थेच्या वतीने आजीम
शेख,शाहीन आजीम शेख,फिरोज पल्ला, डॉ.दिग्गज दापके- देशमुख यांनी हा सन्मान
स्विकारला.
यावेळी जिल्हा
परिषद अध्यक्ष अस्मिता कांबळे, खासदार ओम राजेनिंबाळकर, आमदार कैलास घाडगे-पाटील,
जिल्हा परिषद उपाध्यक्ष धनंजय सावंत, नगराध्यक्ष मकरंद राजे निंबाळकर, जिल्हाधिकारी
दीपा मुधोळ-मुंडे, मुख्य कार्यकारी अधिकारी संजय
कोलते,अप्पर जिल्हाधिकारी शिरीष यादव, अपर पोलीस
अधीक्षक संदीप पालवे आदी मान्यवरांची उपस्थिती होती .
****