राज्यमंत्री पशुसंवर्धन, दुग्धविकास व मत्स्यव्यवसाय आणि वस्त्रोद्योग तथा पालकमंत्री अर्जुन खोतकर यांचा उस्मानाबाद जिल्हा दौरा

उस्मानाबाद दि. 5:- राज्यमंत्री पशुसंवर्धन, दुग्धविकास व मत्स्यव्यवसाय आणि वस्त्रोद्योग तथा पालकमंत्री अर्जुन खोतकर हे उस्मानाबाद जिल्हा दौऱ्यावर येत असून त्यांचा जिल्हा दौरा पुढीलप्रमाणे आहे.     

शुक्रवार दिनांक 06 एप्रिल, 2018 रोजी 11.30 वाजता विश्रामगृह शिंगोली, उस्मानाबाद येथे आगमन व राखीव. 12.00 वाजता केंद्र सरकारच्या महत्वाकांक्षी कार्यक्रमांतर्गत निती आयोगाच्या माध्यमातून अति मागास जिल्हयाच्या यादीतून उस्मानाबाद जिल्हयास बाहेर काढण्याच्या कार्यक्रमांतर्गत आढावा बैठक. निमंत्रित – जिल्हाधिकारी, उस्मानाबाद तथा संबंधित सर्व विभाग प्रमुख. दुपारी 12.45 वाजता सार्वजनिक बांधकाम विभागातील जिल्हास्तरीय विविध कामाची आढावा बैठक-(निमंत्रित- अधिक्षक अभियंता, सा.बां. आणि कार्यकारी अभियंता, सा. बां. विभाग), दुपारी 01.15 वाजता जलयुक्त शिवार योजना उस्मानाबाद जिल्हा अंतर्गत कामाचा आढावा बैठक -(निमंत्रित- जिल्हाधिकारी, उस्मानाबाद तथा संबंधित सर्व यंत्रणा), दुपारी 01.45 वाजता जिल्हास्तरीय खरीप हंगामपूर्व बैठक- कृषी विभाग., दुपारी 02.30 वाजता राखीव, दुपारी 03.30 वाजता जिल्हयातील ग्रामीण व शहरी भागातील पाणी टंचाई बाबत आढावा बैठक, दुपारी 04.15 वाजता महावितरण (डी.पी. आणि ऑईल पुरवठा) तसेच इतर योजना व सुरु असलेल्या कामांबाबत आढावा -(निमंत्रित- अधिक्षक अभियंता, महावितरण, उस्मानाबाद), दुपारी 04.45 वाजता बळीराजा चेतना अभियान आढावा बैठक -(निमंत्रित- जिल्हाधिकारी, उस्मानाबाद तथा संबंधित सर्व यंत्रणा), सायं. 05.00 वाजता जिल्हा नियोजन भवन, उस्मानाबादच्या बांधकाम प्रगतीपथावर असलेल्या ईमारतीस भेट व पाहणी., सायं. 05.30 वाजता जिल्हा सामान्य रुग्णालय, उस्मानाबादच्या बांधकाम प्रगतीपथावर असलेल्या ईमारतीस भेट व पाहणी., सायं. 06.15 वाजता राखीव.

शनिवार दिनांक 07 एप्रिल रोजी  सकाळी 08.00 वाजता उस्मानाबाद येथुन माकणी ता. लोहारा कडे प्रयाण, सकाळी 09.00 वाजता आमदार ज्ञानराज चौगुले यांच्या स्थानिक विकास निधी अंतर्गत माकणी येथे बांधण्यात आलेल्या बसस्थानकाचे लोकार्पण (स्थळ माकणी ता.लोहारा.जि.उस्मानाबाद) सकाळी 09.30 वाजता जागतिक आरोग्य दिनानिमित्त आरोग्य शिबीर (स्थळ स्पर्श रुग्णालय, सास्तूर, ता.लोहारा.जि.उस्मानाबाद), सकाळी 10.15 वाजता मुख्यमंत्री ग्रामसडक योजना अंतर्गत बलसूर-एकूरगा-पेठसांगवी या रस्त्याच्या कामाचे मंत्री महोदयांच्या हस्ते भूमीपूजन (स्थळ- मरकस मस्जीद, मेन रोड, उमरगा), सकाळी 11.15 वाजता उपजिल्हा रुग्णालय, उमरगा येथील ट्रामा केअर सेंटरचे मंत्री महोदयांच्या हस्ते लोकार्पण. (स्थळ- उपजिल्हा रुग्णालय, उमरगा), दुपारी 12.00 वाजता संशोधन व विकास योजनेंतर्गत मुळज ते जटाशंकर मंदीर, रस्त्याची मंत्री महोदयांच्या हस्ते भूमीपूजन (स्थळ- मुळज, ता. उमरगा), दुपारी 12.45 वाजता नाईकनगर,सु. ता. उमरगा येथे कंपार्टमेंट बंडीग कामाचा मंत्री महोदयांच्या हस्ते शुभारंभ (स्थळ- नाईकनगर, सु. ता. उमरगा) दुपारी 01 ते 01.30 पर्यंत शासकीय विश्रामगृह, मुरुम येथे राखीव., दुपारी 01.45 वाजता ग्रामीण रुग्णालय, मुरुम च्या नुतन ईमारतीचे मंत्री महोदयांच्या हस्ते लोकार्पण (स्थळ- ग्रामीण रुग्णालय, मुरुम), दुपारी 02.15 वाजता बेन्नीतुरा नदीपात्रात सिमेंट बंधारे बांधण्याच्या कामाचे मंत्री महोदयाच्या हस्ते भूमीपूजन (स्थळ- बेन्नीतुरा नदीपात्र, बेळंब शिवार, ता. उमरगा), दुपारी 02.45 शिवसेना पदाधिकारी व शिवसैनिकांचा मेळावा (स्थळ- श्रीराम मंगल कार्यालय, मुरुम) सोईनुसार मुरुम येथून मोटारीने जालनाकडे प्रयाण. 

उष्णतेपासून जपण्यासाठी करावयाच्या उपाययोजना

महसूल व वन विभाग (मदत व पुनर्वसन) महाराष्ट्र शासनाने हवामान खात्याच्या सूचनेनूसार सन 2018 या वर्षात उष्णतेची लाट दिर्घकाळपर्यंत असण्याचा अंदाज वर्तविला आहे.

या परिस्थितीमध्ये उष्माघातापासून बचाव करण्यासाठी उपाययोजना व त्याबाबतची सविस्तर माहिती पुढीलप्रमाणे-  

हे करावे :- तीव्र उन्हात मुख्यत: दुपारी 12.00 ते 3.00 च्या दरम्यान बाहेर पडणे टाळावे,  पुरेसे पाणी पित राहावे, फक्त हलक्या रंगाच्या सुती कापडाचा वापर करावा, घराबाहेर पडताना छत्री, टोपी, गॉगलचा वापर करावा, शिळे अन्न खाणे टाळावे, उन्हात काम करत असताना आपला चेहरा व डोके ओल्या कपड्याने झाकावे, चक्कर येत असेल किंवा आजारी वाटल्यास त्वरीत डॉक्टरांकडे जावे, ओआरएस, लस्सी, ताक, लिंबूपाणी इत्यादी घरगुती शितपेयांचे भरपूर सेवन करावे, प्राण्यांना सावलीत ठेऊन त्यांना भरपूर पाणी प्यायला द्यावे.

हे करु नये :- दुपारी 12.00 ते 3.00 या कालावधीत उन्हात बाहेर जाणे टाळावे, गडद घट्ट व जाड कपडे घालणे टाळावे, बाहेर तापमान अधिक असल्यास शारिरीक श्रमाची कामे टाळावी.

उष्णतेच्या लाटेमुळे आजारी पडलेल्या व्यक्तींच्या उपचारासाठी घ्यावयाची काळजी:-

व्यक्तीला एखाद्या थंड जागी ठेवा, शरिराचे तापमान खाली आणण्याचे प्रयत्न करा, ओल्या कपड्याने त्यांना पुसत रहा, डोक्यावर थंड पाणी टाका, व्यक्तीला ओआरएस, लस्सी, ताक, लिंबूपाणी इत्यादी घरगुती शितपेय द्यावे, व्यक्तीला ताबडतोब जवळच्या आरोग्य केंद्रात घेऊन जा, व्यक्तीला हॉस्पिटलमध्ये दाखल करुन उपचार सुरु करणे गरजेचे आहे, असे निवासी उपजिल्हाधिकारी तथा जिल्हा आपत्ती व्यवस्थापन प्राधिकरणाचे मुख्य कार्यकारी अधिकारी श्री. राजेंद्र खंदारे यांनी प्रसिध्दीपत्रकान्वये कळविले आहे.   

उर्ससाठी 4 एप्रिलला स्थानिक सुट्टी

उस्मानाबाद दि.2:-  ऊर्ससाठी बुधवार, दि. 4 एप्रिल 2018 रोजी प्रशासनाने स्थानिक सुट्टी जाहीर केली आहे. दि. 8 जानेवारी 2018 रोजीच्या अधिसूचनेत बुधवार, दि. 4 एप्रिल 2018 रोजी हजरत ख्वॉजा शमशोद्यीन गाजी रहे उरुस निमित्त स्थानिक सुट्टी जिल्हाधिकारी राधाकृष्ण गमे यांनी जाहीर केली आहे. 

ही स्थानिक सुट्टी उस्मानाबाद जिल्ह्यातील सर्व राज्य शासकीय कार्यालये, जिल्हा परिषद अंतर्गत कार्यालये, महानगरपालिका, नगरपालिका कार्यालये, स्थानिक स्वराज्य संस्थांची कार्यालये तसेच कोषागार व उपकोषागार कार्यालये व इतर शैक्षणिक संस्था यांना लागू राहील.