आश्रमशाळेच्या सोयीसुविधांसाठी जिल्हा नियोजन समितीमार्फत नाविण्यपूर्ण योजनेतून प्रस्ताव सादर करावेत-सहकार मंत्री सुभाष देशमुख

उस्मानाबाद,दि.29:-  जिल्ह्यातील  आश्रमशाळेसाठी सोयी सुविधा  उपलब्ध व्हाव्यात म्हणून जिल्हा नियोजन समितीमार्फत नाविण्यपूर्ण योजनेतून  प्रस्ताव सादर करावेत  अशा सूचना सहकार , पणन व वस्त्रोद्योग मंत्री सुभाष देशमुख यांनी आज दिल्या .

यमगरवाडी  येथील एकलव्य निवासी  आश्रमशाळेच्या समस्या सोडविण्याबाबत  आयोजित बैठकीत मंत्री महोदय बोलत होते .

 या बैठकीस  जिल्हाधिकारी डॉ. प्रशांत नारनवरे , उप जिल्हाधिकारी श्रीमती शिल्पा करमरकर , उप जिल्हाधिकारी  श्री. सचिन बारवकर ,  शिक्षणाधिकारी (प्रा) श्री. सचिन जगताप ,  जिल्हा क्रीडा अधिकारी अशोक बनसोडे, सहायक आयुक्त समाज कल्याण यांचे प्रतिनिधी  श्री. अमित घवले ,  जिल्हा उप निबंधक श्री. वाबळे ,  तहसिलदार  श्री. सुजित नरहरे , जिल्ह्यातील आश्रमशाळेचे  मुख्याध्यापक  यावेळी उपस्थित होते . 

यावेळी बैठकीस मार्गदर्शन करताना मंत्री महोदय म्हणाले की , राज्य  शासनाच्या सर्व क्रीडा योजना  आश्रमशाळांसाठी राबवून  क्रीडा सोयी सुविधा उपलब्ध करुन द्याव्यात अशा सूचना दिल्या . या सुविधेबरोबर क्रीडांगणात मल्टीपर्पज हॉल, अत्याधुनिक  सोयी सुविधांनी युक्त व्यायाम शाळा ,  खेळासाठीचे सर्व साहित्यही  उपलब्ध  करुन देण्यात येईल तसेच निधी कमी पडू दिला जाणार नाही , असे आश्वासन मंत्री महोदयांनी यावेळी दिले .

*****