उस्मानाबाद,दि.31:-
प्रधानमंत्री पिक विमा योजना रब्बी हंगाम 2016-17 साठी पिक विम्याचा हप्ता
भरण्याची अंतिम मुदत 31 डिसेंबर 2016 ही होती. तथापि केंद्र शासनाने पिक विमा
योजनेमध्ये शेतकऱ्यांनी सहभागी होण्याची मुदत वाढवून ती दि. 10 जानेवारी 2017 अशी
केलेली आहे. पिक
विमा योजना ही कर्जदार शेतकऱ्यांना अधिसूचित क्षेत्रातील पिकांसाठी बंधनकारक असून
बिगर कर्जदार शेतकऱ्यांना ऐच्छिक आहे. पिक विमा हप्ता भरण्याची अंतिम मुदत दि. 10
जानेवारी 2017 करण्यात आली आहे.
पिक विमा योजनेत जास्तीत जास्त
शेतकऱ्यांनी सहभाग नोंदवावा, असे आवाहन जिल्हा अधीक्षक कृषी अधिकारी श्री. शिरीष
जमदाडे यांनी केले आहे.
रब्बी
हंगाम 2016-17 करीता खाली दर्शविल्याप्रमाणे उंबरठा उत्पादनाच्या पातळीपर्यंत
प्रति हेक्टरी दिलेल्या विमा संरक्षित रकमेवर दिलेल्या पिक विमा दराप्रमाणे विमा
हप्ता भरावयाचा आहे, त्याचा तपशिल पुढीलप्रमाणे:-
गहू (बागायत) विमा
संरक्षित रक्कम 33 हजार 300 रुपये, विमा हप्ता दर 1.50 टक्के, विमा हप्ता रक्कम रु.495/-(शेतकरी
हिस्सा)., गहू (जिरायत) विमा संरक्षित
रक्कम 30 हजार रुपये विमा हप्ता दर 0. 66 टक्के, विमा हप्ता रक्कम रु.198/-(शेतकरी हिस्सा) , ज्वारी (बागायत) विमा संरक्षित रक्कम 26 हजार
रुपये, विमा हप्ता दर 1.50 टक्के, विमा हप्ता रक्कम रु.390/- (शेतकरी हिस्सा) , ज्वारी (जिरायत) विमा संरक्षित रक्कम 24
हजार रुपये, विमा हप्ता दर 1.50 टक्के, विमा हप्ता रक्कम रु.360/-(शेतकरी हिस्सा) ,
हरभरा विमा संरक्षित रक्कम 24 हजार
रुपये, विमा हप्ता दर 1.50 टक्के, विमा हप्ता रक्कम रु.360/- (शेतकरी हिस्सा) , करडई,
विमा संरक्षित रक्कम 22 हजार रुपये, विमा हप्ता दर 1.50 टक्के, विमा हप्ता रक्कम
रु.330/-(शेतकरी हिस्सा) , सूर्यफूल विमा
संरक्षित रक्कम 22 हजार रुपये, विमा हप्ता दर 1.50 टक्के, विमा हप्ता रक्कम रु.330/-(शेतकरी
हिस्सा) ,रब्बी कांदा विमा संरक्षित रक्कम 3 हजार 600, विमा हप्ता
दर 5.0 टक्के, विमा हप्ता रक्कम 3 हजार रुपये(शेतकरी हिस्सा) , उन्हाळी
भुईमूग विमा संरक्षित रक्कम 60 हजार
रुपये, विमा हप्ता दर 1.50 टक्के, विमा
हप्ता रक्कम रु.540/-(शेतकरी हिस्सा) राहील, असे जिल्हा अधीक्षक कृषी अधिकारी श्री.
शिरीष जमदाडे यांनी कळविले आहे .
****