उस्मानाबाद.दि.1:- निवडणूक
आयोगाने शिक्षक मतदारसंघ निवडणूक 2017 चा
कार्यक्रम घोषित केला आहे. जिल्हयातील
उस्मानाबाद , तेर ढोकी, बेंबळी, पाडोळी, जागजी, केसेगाव तुळजापूर, सावरगाव
,जळकोट, नळदूर्ग , सलगरा, इटकळ, उमरगा, मुरुम, नारंगवाडी, डाळींब, लोहारा, माकणी,
जेवळी, ईटकूर, शिराढोण, गोविंदपूर,
भूम, अम्बी, मानकेश्वर, वालवड,
वाशी, तेरखेडा, पारगाव, परंडा, अनाळा,
सोनारी, आसू या गावांमध्ये दि.3 फेब्रुवारी
2017 रोजी मतदान होत आहे. मतदान प्रक्रिया शांततेत पार पाडण्याच्या दृष्टिने कायदा
व सुव्यवस्था अबाधीत राखण्यासाठी मुंबई मद्य निषेध कायदा 1949 चे कलम 142 (1)
अन्वये प्रदान केलेल्या अधिकाराचा वापर करुन मतदान शांततेत व सुव्यवस्थित पार
पाडणे याकरिता खालील प्रमाणे आदेश देत आहे.
उपरोक्त
गावी/ ठिकाणी मतदान होत असल्याने या गावातील सर्व देशी,विदेशी,किरकोळ विक्री
अनुज्ञप्ती ( सीएल-3 ) एफएल /बीआर-2, एफएल-4 अनुज्ञप्ती दि.1 फेब्रुवारी 2017 रोजी
सायंकाळी 5.00 वाजेपासून ते दि.3 फेब्रुवारी रोजी सायंकाळी 5.00 वाजेपर्यंत अनुज्ञप्त्या मद्यविक्रीसाठी बंद ठेवण्यात येतील.
वरिल
प्रमाणे आदेशित करण्यात येत असून या आदेशाचे उल्लंघन केल्याचे आढळून आल्यास संबंधितांविरुध्द
मुंबई मद्य निषेध कायदा 1949 चे कलम 54 व 56 अन्वये कारवाई करण्यात येईल, याची
नोंद घ्यावी,असे जिल्हाधिकारी डॉ. प्रशांत नारनवरे यांनी कळविले आहे.