ऑटोरिक्षा-टॅक्सी परवान्यांच्या खुले धोरणाला स्थगिती : इरादापत्र देण्याची प्रक्रिया थांबवली

ऑटोरिक्षा-टॅक्सी परवान्यांच्या खुले धोरणाला स्थगिती : इरादापत्र देण्याची प्रक्रिया थांबवली धाराशिव दि.२० मार्च (जिमाका) राज्यातील विविध संघटनांकडून ऑटोरिक्षा व टॅक्सी परवान्यांच्या खुले धोरणाबाबत आक्षेप नोंदवत ते बंद करण्याची मागणी करण्यात आली होती.या पार्श्वभूमीवर ९ मार्च २०२६ रोजी परिवहन मंत्री श्री. प्रताप सरनाईक यांच्या अध्यक्षतेखाली झालेल्या बैठकीत महत्त्वपूर्ण निर्णय घेण्यात आला. या बैठकीदरम्यान ऑटोरिक्षा / टॅक्सी परवान्यांच्या खुले धोरणास स्थगिती देण्याचे निर्देश देण्यात आले आहेत. या निर्णयामुळे राज्यभरात नवीन परवाने देण्याच्या प्रक्रियेत तात्पुरती अडथळा निर्माण होणार असून, संबंधित विभागांना याबाबत आवश्यक ती कार्यवाही करण्यास सांगण्यात आले आहे. त्या अनुषंगाने इरादापत्र देण्याचे कामही तात्काळ प्रभावाने स्थगित करण्यात आले आहे.त्यामुळे नवीन परवाना प्रक्रियेत सहभागी होऊ इच्छिणाऱ्या अर्जदारांना सध्या प्रतीक्षा करावी लागणार आहे.हा निर्णय प्रशासनिक पातळीवर अमलात आणण्यात येत असून, पुढील आदेश येईपर्यंत ही स्थगिती कायम राहणार आहे.या संदर्भात उप प्रादेशिक परिवहन अधिकारी धाराशिव,श्री.हर्षल डाके यांनी माहिती दिली. ******