अग्नीवीर भरतीसाठी ऑनलाईन नोंदणी सुरू ; उमेदवारांनी तात्काळ अर्ज करावा

अग्नीवीर भरतीसाठी ऑनलाईन नोंदणी सुरू ; उमेदवारांनी तात्काळ अर्ज करावा धाराशिव,दि.२४ मार्च (जिमाका)अग्निपथ योजनेअंतर्गत अग्नीवीर भरती प्रक्रियेसाठी ऑनलाईन रजिस्ट्रेशन सुरू झाले असून जिल्ह्यातील इच्छुक अविवाहित उमेदवारांनी लवकरात लवकर नोंदणी करावी,असे आवाहन जिल्हा सैनिक कल्याण अधिकारी,धाराशिव यांनी केले आहे. अग्नीवीर भरतीसाठी दिनांक १ एप्रिल २०२६ पर्यंत ऑनलाईन रजिस्ट्रेशन प्रक्रिया सुरू असून उमेदवारांनी www.joinindianarmy.nic.inया अधिकृत वेबसाईटवर जाऊन आपली नोंदणी करावी. जिल्ह्यातील पात्र व इच्छुक तरुणांनी ही संधी साधून अग्निपथ योजनेत सहभागी व्हावे,असेही आवाहन करण्यात आले आहे.दरम्यान,या भरती प्रक्रियेअंतर्गत संभाव्य परीक्षा जून २०२६ मध्ये होण्याची शक्यता असल्याची माहिती देण्यात आली आहे. ******