उस्मानाबाद दि.22:- शनिवार दिनांक 14 एप्रिल रोजी उस्मानाबाद येथील जिल्हा
न्यायालयात त्याचप्रमाणे प्रत्येक तालुका न्यायालयात लोकअदालतीचे आयोजन करण्यात आले
आहे. न्यायालयात प्रलंबित असलेले मोटार अपघात/कामगार नुकसान भरपाई प्रकरणे,दिवाणी
प्रकरणे तडजोड पात्र फौजदारी प्रकरणे,भू-संपादन प्रकरणे,कौटुंबिक आणि वादपूर्व
प्रकरणे तडजोडीने मिटविण्याकरीता या लोकअदालतीमध्ये ठेवण्यात आलेल्या आहेत.
सर्व संबंधित पक्षकारांनी त्यांची वरील प्रकारची प्रलंबित
असणारी प्रकरणे या लोकराष्ट्रीय अदालतीमध्ये ठेवून मिटवून घ्यावेत आणि न्यायालयात
खर्ची पडणारा स्वत:चा बहूमूल्य वेळ आणि पैसा वाचवावा, असे आवाहन विधीसेवा
प्राधिकरणाचे सचिव एस.बी.देसाई यांनी केले आहे. 