उस्मानाबाद,
दि.11 :- जिल्हा रुग्णालय उस्मानाबाद अंतर्गत महाअवयवदान अभियान -2017 व राष्ट्रीय
नेत्रदान पंधरवाडा निमित्त अवयवदान व नेत्रदान जनजागरण रॅलीचे उद्घाटन जिल्हा
शल्यचिकित्सक डॉ.एकनाथ माले यांच्या हस्ते रॅलीला हिरवा झेंडा दाखवून करण्यात आले.
यावेळी निवासी
वैद्यकीय अधिकारी डॉ.प्रताप शिंदे, जिल्हा अवयवदान समन्वयक डॉ.गजानन परळीकर,
नेत्रशल्यचिकित्सक डॉ.एम.के.पल्ला, नेत्रचिकित्सा अधिकारी श्री.ए.एल.शेख,
परिचारिका केंद्रातील सुमित्र गोरे, सुवर्णा माळी, रमा शिरसाठ, अमोल गरड, गणेश
काकडे, नितिन सुरवसे, उमेश गोरे, प्रसाद गायकवाड व अधिकारी, कर्मचारी उपस्थित
होते.
या रॅलीत
अवयवदान व नेत्रदानबाबत घोषवाक्य व माहिती देणारे फलकाद्वारा जनजागृतीचा संदेश
देण्यात आला.ही रॅली जिल्हा रुग्णालयापासून सुरु होवून तुळजाभवानी स्टेडियम येथे
संपन्न करण्यात आली. यावेळी जिल्हा अवयवदान समन्वयक डॉ. परळीकर यांनी सर्व उपस्थितांना अवयवदानाबाबत
माहिती दिली व अवयवदानाची शपथ दिली. ही रॅली यशस्वी करण्यासाठी जिल्हा
रुग्णालयातील अधिकारी व कर्मचारी यांनी परिश्रम घेतले.