उस्मानाबाद.दि.3:-
जिल्हयातील कोषागार कार्यालयामार्फत निवृत्ती वेतन/ कुटुंब निवृत्ती घेणाऱ्या निवृत्ती वेतनधारक/ कुटुंब
निवृत्ती वेतनधारक यांच्या माहे नोव्हेंबर मध्ये हयात प्रमाणपत्र घेण्यात येते.
या वर्षी शासनातर्फे बायोमेट्रीक पध्दतीने तसेच बँकेतील
यादीप्रमाणे हयात प्रमाणपत्र घेण्यात आले
आहे. हयात प्रमाणपत्राची मुदत 15 जानेवारी
पर्यंत वाढविण्यात आली होती. त्याप्रमाणे
ज्या निवृत्ती वेतनधारकांनी बायोमेट्रीक पध्दतीने तसेच बँकेतील यादयांना सहया केल्या त्या निवृत्ती वेतनधारकांना, कुटुंब
निवृत्ती वेतनधारकांना माहे फेब्रुवारी 2017 चे वेतन अदा करण्यात आलेले आहे.
ज्या निवृत्ती वेतनधारकांना, कुटुंब निवृत्ती
वेतनधारकांना माहे फेब्रूवारी 2017 चे वेतन मिळाले नसेल त्यांनी बँकेचे पासबुक,आधार
कार्ड, तसेच भ्रमणध्वनी घेऊन कोषागार कार्यालय, उस्मानाबाद येथे उपस्थित राहावे,जेणेकरून
संबंधितांना निवृत्ती वेतन / कुटुंब निवृत्ती वेतन अदा करणे सोईचे होईल,असे जिल्हा
कोषागार अधिकारी श्री. विशाल पवार यांनी कळविले आहे.