वृत्त
क्र.784 दिनांक : 14 ऑक्टोबर 2016
उस्मानाबाद,दि.14:- अनुसूचित
जाती/ अनुसूचित जमातीमधील उत्पादक उद्योगासाठी भारतरत्न डॉ. बाबासाहेब आंबेडकर
विशेष प्रोत्साहन राबविली जाते या योजनेची वैशिष्टे पुढीलप्रमाणे-100टक्के अनुसूचित
जाती/अनुसूचित जमातीच्या सूक्ष्म,लघू व मध्यम उद्योजकांच्या सर्व प्रकारच्या उत्पादन
उद्योगांच्या घटनेसाठी लागू,सर्व उत्पादक उद्योग आणि तंत्रज्ञान व माहिती
तंत्रज्ञान सहाय्यभूत सेवा धोरण 2015 च्या परिच्छेद 4 मधील घटकांसाठी लागू,
एमआयडीसी क्षेत्रात उपलब्ध प्लॉटपैकी 20 टक्के प्लॉट उद्योजकांसाठी राखीव,
एमआयडीसी तसेच अन्य भागातील उद्योगाला लागणा-या भूखंडावर अनुक्रमे 30 टक्के
(अधिकतम रु.10 लाख ) आणि 20 टक्के ( अधिकतम रु.5 लाख ) भूखंड अनुदान शासकीय भूखंड
दराच्या किंमतीच्या मर्यादेत (Ready Reckoner ) अनुज्ञेय, अनुसूचित जाती/अनुसूचित उद्योजकांसाठी
सामूहिक प्रोत्साहन योजना 2013 अंतर्गत अनुज्ञेय प्रोत्साहने वाढीव दराने, सामूहिक
प्रोत्साहन योजना 2013 अंतर्गत अ,ब,क,ड व ड + क्षेत्रातील गुंतवणुकीच्या 15 ते 30 टक्के भांडवली अनुदान
रु.15 ते 30 लाखाच्या मर्यादेत 5 समान
वार्षिक हप्त्याने,उस्मानाबाद जिल्हयाकरिता 25 टक्के रु.25 लाखाच्या मर्यादेत, नवीन
उद्योजकांना विदर्भ, मराठवाडा, उत्तर महाराष्ट्र आणि रायगड, रत्नागिरी व सिंधुदूर्ग
जिल्हयांसाठी रु.2/-प्रति युनिट आणि उर्वरित राज्यासाठी रु.1/- प्रतियुनिट विद्युत
शुल्क अनुदान 5 वर्षासाठी अनुज्ञेय,नविन उत्पादन उद्योजकांना स्थावर मालमत्ता
संपाद करण्यासाठी घेतलेल्या कर्जावर कमाल 5 टक्के प्रतिवर्ष व्याज अनुदान
वापरलेल्या वीज बिलाच्या दुप्पट रकमेच्या मर्यादेत देय, राज्य दरवर्षी दोन
औद्योगिक समूहांचा विकास करेल व पुढील 5
वर्षामध्ये 10 समूह विकसित करण्यात येतील. औद्योगिक समूहामध्ये 50 टक्यांपेक्षा
जास्त अनुसूचित जाती/अनुसूचित उद्योजक असल्यास पायाभूत सुविधांच्या विकासाअंतर्गत
100टक्के अर्थसहाय्य,विशेष प्रयोजन संस्थेच्या ( SPV) माध्यमातून उबदन केंद्राची (
Incubation Center) स्थापना करण्यात येईल, तालुकास्तरावर प्रत्येक तालुक्यातील एक अनुसूचित
जाती व एक अनुसूचित जमातीच्या लाभार्थींना उत्पादन उद्योग उभारणी व त्यापुढील
कालावधीसाठी सहाय्य व लाभार्थी निवडीसाठी जिल्हाधिका-यांच्या अध्यक्षतेखाली जिल्हा
कृतीदल निवड समिती स्थापन झाली आहे.
कौशल्य
विकास योजनेअंतर्गत 1 ते 3 महिन्यांच्या कालावधीचे निवासी प्रशिक्षण कार्यक्रम ,प्रादेशिक
विकास मंडळाच्या कार्यालयात प्रदर्शन विक्री केंद्राची स्थापन. अनुसूचित
जाती / अनुसूचित जमातीच्या उत्पादक उद्योजकांचे उत्पादनासाठी शासनाच्या
विभागांसाठी लागणा-या मालाच्या पुरवठयातील 4 टक्के कोटा राखीव .अनुसूचित जाती/
अनुसूचित जमातीतील उद्योग करु इच्छित लाभार्थ्यांनी जिल्हा उद्योग केंद्राकडे अर्ज करुन या योजनेचा
जास्तीत जास्त लाभ घ्यावा,असे आवाहन महाव्यवस्थापक जिल्हा उद्योग केंद्र,
उस्मानाबाद यांनी केले आहे.