उस्मानाबाद,दि.25:- नामनिर्देशनपत्र
व शपथपत्रातील माहिती सुलभ रितीने भरणे उमेदवारांना शक्य व्हावे यासाठी रविवार दि.
29 जानेवारी 2017 रोजी सकाळी 11 ते दुपारी 3 वाजेपर्यंत नामनिर्देशनपत्र
स्वीकारण्यात येतील असे जिल्हाधिकारी यांनी कळविले आहे.
राज्य निवडणूक आयोग यांनी दि.11 जानेवारी
2017 रोजी जिल्हा परिषद व पंचायत समिती सार्वत्रिक निवडणूकीचा कार्यक्रम जाहीर
केल्याप्रमाणे या कार्यक्रमात नामनिर्देशनपत्र दि.27 जानेवारी 2017 ते दि.1
फेब्रुवारी 2017 पर्यंत स्वीकारणे (दि.29 जानेवारी 2017 रविवार वगळून) बाबत सुचित
केले होते. मात्र राज्य निवडणूक आयोगाने नामनिर्देशनपत्र व शपथपत्रातील माहिती
सुलभ रितीने भरणे उमेदवारांना शक्य व्हावे यासाठी नामनिर्देशनपत्र सादर करण्यासाठी
निश्चित करण्यात आलेल्या कालावधीमध्ये सुधारणा केली असून रविवार दि. 29 जानेवारी
2017 रोजी सकाळी 11 ते दुपारी 3 वाजे पर्यंत नामनिर्देशनपत्र स्वीकारण्यात येतील
असे सूचित केले आहे, असे जिल्हाधिकारी यांनी कळविले आहे.