स्लरी फिल्टर घटकासाठी लाभार्थ्यांची सोडत १४ जुलैला अर्जदारांनी उपस्थित राहण्याचे आवाहन

स्लरी फिल्टर घटकासाठी लाभार्थ्यांची सोडत १४ जुलैला अर्जदारांनी उपस्थित राहण्याचे आवाहन धाराशिव दि.९ जुलै (जिमाका) निती आयोगाच्या आकांक्षित जिल्हा कार्यक्रमांतर्गत सन २०२६-२७ मधील विंडो-॥ (नाविन्यपूर्ण प्रकल्प) अंतर्गत राबविण्यात येणाऱ्या "स्लरी फिल्टर" या घटकासाठी तुळजापूर तालुक्यात प्राप्त झालेल्या लाभार्थ्यांच्या अर्जांची सोडत मंगळवार,दि.१४ जुलै २०२६ रोजी काढण्यात येणार आहे. ही सोडत तालुका कृषी अधिकारी कार्यालय,तुळजापूर येथे सकाळी ११ वाजता पार पडणार आहे. संबंधित घटकासाठी अर्ज केलेल्या लाभार्थ्यांची निवड पारदर्शक पद्धतीने सोडतीद्वारे करण्यात येणार असल्याने अर्जदारांनी वेळेत उपस्थित राहावे,असे आवाहन कृषी विभागाने केले आहे. या प्रक्रियेमुळे लाभार्थी निवडीमध्ये पारदर्शकता राखली जाणार असून, संबंधित सर्व अर्जदारांनी स्वतः उपस्थित राहून सोडत प्रक्रियेची नोंद घ्यावी,असे तालुका कृषी अधिकारी, तुळजापूर यांनी कळविले आहे. ******