उस्मानाबाद. दि. 11:- दि. 11 मार्च 2018 रोजी राष्ट्रीय पल्स पोलिओ
(दुसरी फेरी) मोहीमेचा शुभारंभ स्त्री रुग्णालय, उस्मानाबाद येथे जिल्हाधिकारी
राधाकृष्ण गमे यांच्या शुभ हस्ते बालकांना लसीची मात्रा देवून करण्यात आला.
यावेळी जिल्हा परिषदेचे जिल्हा आरोग्य अधिकारी डॉ. एच.व्ही. वडगावे, जिल्हा
शल्य चिकित्सक डॉ. एकनाथ माले, सहा. जिल्हा आरोग्य अधिकारी डॉ. एस.एस. फुलारी,
रुग्ण कल्याण समिती सदस्य अब्दुल लतीफ, डॉ.
राहूल वाघमारे, डॉ. प्रताप शिंदे, डॉ. सुशील चव्हाण यांची प्रमुख उपस्थिती
होती.
जिल्हयात आज पोलिओ बुथवर पोलिओ लसीची मात्रा (डोस) देण्यासाठी ग्रामीण भागात 1228
व शहरी भागात 168 असे एकूण 1296 बुथवर व त्याव्यतिरिक्त बसस्थानक, रेल्वे स्टेशन, बाजार, बांधकाम, विटभट्टी, साखरे कारखाने, ऊसतोड
कामगार पाली, भटके जाती/जमातीच्या फिरस्ती पाली, टमटम स्टॅन्ड, सेल्स इत्यादी
ठिकाणी ट्रान्झीट टिमची विशेष व्यवस्था करण्यात आलेली आहे.
या मोहीमेसाठी जिल्हास्तरीय अधिकारी, जिल्हास्तरीय पर्यवेक्षक यांच्यामार्फत
पर्यवेक्षण करण्यात येत असून आरोग्य अधिकारी, आरोग्य कर्मचारी, आशा स्वयंसेविका,
अंगणवाडी कार्यकर्ती यांचा पोलिओची मात्रा देण्यासाठी समावेश करण्यात आला आहे.
या कार्यक्रमासाठी जिल्हा विस्तार व माध्यम धिकारी ए.यु. लाकाळ व जिल्हा
रुग्णालयातील अधिकारी व कर्मचारी यांची मोठया संख्येने उपस्थिती होती.