उस्मानाबाद,दि.21:- जिल्हा जात प्रमाणपत्र पडताळणी समिती
कार्यालयाचे उदघाटन आज जिल्हाधिकारी डॉ. प्रशांत नारनवरे यांच्याहस्ते डॉ.
बाबासाहेब आंबेडकर सामाजिक न्याय भवन, उस्मानाबाद येथे करण्यात आले आहे,यावेळी उप
आयुक्त तथा सदस्य,जिल्हा जाती प्रमाणपत्र पडताळणी समितीचे सदस्य अनिल शेंदारकर,
जिल्हा जाती पडताळणी समितीचे सदस्य सचिव ए.के.मिनगिरे,सहाय्यक आयुक्त समाज कल्याण
एस.एस.शेळके उपस्थित होते.
जिल्हा
जाती प्रमाणपत्र पडताळणी समिती उस्मानाबाद येथे कार्यालय कार्यान्वित करण्यात
आलेले असून या कार्यालयामध्ये अनुसूचित जाती,विमुक्त व भटक्या जमाती, विशेष मागास
प्रवर्ग तसेच इतर मागास प्रवर्ग यांच्या शैक्षणिक/सेवा व निवडणूक विषयी दावा
प्रकरणांची पडताळणी होणार आहे. जिल्हातील सर्व नागरिकांनी उपरोक्त जाती दाव्याचे
पडताळणीचे अर्ज लातूर येथे सादर न करता उस्मानाबाद येथील जिल्हा जाती प्रमाणपत्र
पडताळणी सिमिती या कार्यालयात सादर करावेत असे आवाहन सदस्य अनिल शेंदारक यांनी
केले आहे.