वृत्त क्र. 261 दि.6 मे 2019
जिल्ह्यात प्रत्यक्ष क्षयरोग शोध मोहिम सुरु
उस्मानाबाद, दि 6.- जिल्ह्यात प्रत्यक्ष क्षयरुग्ण शोध मोहीम दि. 6
मे ते दि. 18 मे 2019 या कालावधीत
जिल्ह्यातील क्षयरोगाच्या बाबतीत जोखमी भागात राबविण्यात येत आहे. या कालावधीत
आरोग्य कर्मचारी, आशा कार्यकर्ती घरोघर जाऊन क्षयरोगाची लक्षणे असलेल्या रुग्णाची
पाहणी करणार आहेत व त्यामधून संशयित
क्षयरोग असलेल्या रुग्णांचा बेडका नमुना तपासणीसाठी घेऊन त्यांना क्ष-किरण तपासणी
साठी संदर्भित करण्यात येणार आहे.
तरी या कालावधीत घरी येणाऱ्या आरोग्य कर्मचारी,
आशा कार्यकर्ती यांच्याकडून क्षयरोगा बाबतची तपासणी करून घेऊन त्यांना सहकार्य
करावे, असे आवाहन मुख्य कार्यकारी अधिकारी डॉ. संजय कोलते, जिल्हा आरोग्य अधिकारी,
डॉ.हनुमंत वडगावे, जिल्हा शल्यचिकित्सक डॉ.गलांडे,जिल्हा क्षयरोग अधिकारी ए.एन.सोपल
यांनी केले आहे.
******